Dans

Nemendur í 1.-7. bekkjum fá danskennslu einu sinni í viku. Danskennslan hefur m.a. skilað sér í skemmtilegum dansatriðum á samverum nemenda. Aðaláherslur með danskennslunni eru að nemendur:

• öðlist öryggi til þess að tjá sig í hreyfingu við tónlist
• taki þátt í hreyfileikjum (gangi í röð, í hring og læri hoppspor)
• kunni skil á hægri og vinstri, hæl og tá, fram og aftur
• þekki og skynji einföld hreyfimynstur s.s. hring, röð og línu
• hlusti á tónlist með mismunandi tónfalli, hröð og hæg spor, skilgreini
• dansstöðu og hald       
• viti hvenær og á hvaða slætti í tónlistinni er hægt að hefja dansinn
• læri ákveðin grunnspor í samkvæmisdönsum
• læri að bjóða upp í dans.

Viðfangsefni eru í samræmi við aldursstig en meðal þess sem nemendur læra eru ýmsir leik- og tjáningardansar, diskó-dansar, línudansar, tískudansar og samkvæmisdansar.