Göngum í skólann

19.9.2018

Hvaleyrarskóli tekur þátt í Göngum í skólann , verkefni á vegum Íþrótta- og Ólympíusambands Íslands, Embætti landlæknis, Mennta- og menningarmálaráðuneytisins, Ríkislögreglustjóra, Samgöngustofu, Slysavarnarfélagsins Landsbjargar og Heimilis og skóla.

Þetta er í tólfta sinn sem verkefnið er haldið hér á landi og hefur þátttaka aukist jafnt og þétt. Megin markmið verkefnisins eru að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni. Fræða þau um ávinning reglulegrar hreyfingar, að draga úr umferðarþunga, mengun og hraðakstri nálægt skólum. Auk þess er reynt að stuðla að vitundarvakningu fyrir virkum ferðamáta og umhverfismálum og það hversu “gönguvænt” umhverfið er.

Hvaleyrarsskóli hefur áður tekið þátt í Göngum í skólann þar sem unnið hefur verið með ýmsa þætti er tengjast umhverfi, umferð og hreyfingu og hefur árangur okkar verið mjög góður.

Göngum í skólann í Hvaleyrarskóla

  • Nemendur fá fræðslu frá Samgöngustofu. 
  • Vikuna 24. september – 28. september er keppt um Gullskóinn, virkur ferðamáti í skólann.

Umsjónarkennarar skrá niður ferðamáta nemenda í skólann þessa viku. Einn bekkur í hverjum árgangi fær Gullskóinn sem viðurkenningu. Við hvetjum alla til að taka þátt og nota virkan ferðamáta. Með virkum ferðamáta er átt þegar nemendur koma í skólann með eigin afli, gangandi eða hjólandi.

Við hvetjum ykkur kæru foreldrar/forráðamenn til þess að nýta ykkur verkefnið og þá umræðu sem skapast til þess að ræða við börnin ykkar.

Vonandi gengur þetta vel hjá okkur. Verum endilega opin fyrir þessu og jákvæð og nýtum haustið til að vekja athygli á hreyfingu og öryggi barnanna okkar á leiðinni í skólann.

Gangi ykkur vel


Hvaleyrarskóli |Akurholti 1, 220 Hafnarfjörður
Sími 565-0200 |Netfang hvaleyrarskoli@hvaleyrarskoli.is