Fyrirlestur um netfíkn

18.5.2017

Fimmtudaginn 18. maí nk. kl.19:30 kemur Eyjólfur Örn Jónsson sálfræðingur í heimsókn í Hvaleyrarskóla og ætlar að fjalla um netfíkn. Fyrirlesturinn verður haldinn í fyrirlestrasal skólans á fyrstu hæð. 
Sama dag um morguninn mun hann tala við 6.-10. bekk um sama efni.

Við hvetjum alla til að koma og hlusta enda er um að ræða efni sem snertir okkur öll.

Hér er smá lýsing á fyrirlestrinum:

"Um er að ræða fyrirlestur um hættur netsins með sérstaka áherslu á svokallaða "netfíkn" en rannsóknir benda til að sirka 12% reglulegra netnotenda eigi á hættu að ánetjast notkun sinni. Börn og unglingar eru sérstaklega útsett fyrir þessum vanda og því mikilvægt að foreldrar skilji vandann og viti hvað best sé að gera í málinu. Nokkuð ljóst er að netið sé komið til að vera og því þýðir lítið að loka augunum fyrir því að þar geta leynst hættur eins og annarsstaðar. Við sendum börnin okkar ekki út í umferðina án þess að hafa kennt þeim umferðarreglurnar en við opnum oft heim netsins fyrir þeim án þess að skilja hann almennilega sjálf. Með réttri vitneskju og nálgun eiga allir að geta notið netsins og alls sem að það hefur upp á að bjóða án vandkvæða."


Hvaleyrarskóli |Akurholti 1, 220 Hafnarfjörður
Sími 565-0200 |Netfang hvaleyrarskoli@hvaleyrarskoli.is